ЧОРНЫ-ЧОРНЫ ПІРОГ

коўшык 127
ШАКАЛАД+ЧАРНІЦЫ


Гэты рэцэпт нарадзіўся з патрэбы мадыфікацыі майго ўлюбёнага апошнім часам рэцэпта Неверагоднага шакаладнага пірага (http://1000i1koushyk.blogspot.com.by/2017/06/blog-post.html). А чарніцы проста былі ў лядоўні. Апынулася, што яны выдатна пасуюць да шакаладу. І вусны пасля яе чорныя-чорныя).

складнікі:
1/2 шклянка цукру
1 шклянка пшанічнай мукі
1/3 шклянкі какава-парашка
1 лыжачка разрыхляльніка
1/2 лыжачкі соды
1/2 лыжачка солі
1 яйка
1/2 шклянкі малака
1/4 шклянкі расліннага алею
1 чайныя лыжкі ванільнага экстракту ці ванільнага цукру
1/2 шклянкі кіпню
1/2 пліткі горкага шакаладу
1 1/2 шклянкі чарніцаў
2 лыжкі малака

Разагрэйце духоўку да 175 ° С. Вышмаруйце тлушчам і пасыпце мукой форму.
У вялікай місцы змяшайце цукар, муку, какава, разрыхляльнік, соду, ваніль і соль. Дадайце яйка, малако, алей ды дакладна перамяшайце лыжкай. Калі цеста будзе аднароднае, то дадайце кіпень (так, не трэба баяцца). Цеста будзе даволі рэдкім. У форму кіньце жменю чарніцаў, залійце цестам і пячыце каля 35 хвілін, пакуль зубачыстка, устаўленая ў пірог будзе выходзіць чыстай. Потым 10 хвілінаў пачакайце і дастаньце з формы.

Шакалад растопім на воднай лазні, і дадамо 2 лыжкі малака. Добра размяшаем, шакалад павінен быць бліскучым і аднародным. Паліваем пірог шакаладам, зверху пасыпаем чарніцамі. Гатовы! Смачных вам летніх пасядзелак!




Comments

Popular Posts